Қалалық мәслихат депутаты қамауға алынды

Қостанайда қалалық мәслихат депутаты Сергей Бойко қамауға алынды. Ол бірнеше жыл бойы жергілікті мүгедектер қоғамын басқарып келген. Халық қалаулысы былығын жасыру үшін қаржы полициясының қызметкеріне миллион теңге пара бермек болыпты. Осылайша мүгедектерді тасымалдауға арналған қаржыны жымқырғанын жасырып, жауапкершіліктен құтылып кетпекке әрекеттенген.

Михаил Борисенко — Қостанай облысы ЭҚКД 2-бөлімінің тергеушісі
«Алдын ала тергеу жұмыстары „Инва-таксиге“ аударылған бюджет қаржысын заңсыз қолданылғаны үшін жүргізілуде. „Инва-такси“ мүгедектерін қамтамасыз етуге арналған қаражатты айтамыз».

Қазір депутат «Пара беру» бабы бойынша қамауға алынды. Дегенмен, қостанайлық мүгедектерді тасымалдауға бөлінген бюджет қаржысын заңсыз жұмсағаны үшін жазаға тартылмақ.

Қостанай