Жаңалықтар / Экономика

Қазақстанда өнеркәсіп өндірісінің көлемі өсіп, өткен жылдың бірінші жартыжылдығымен салыстырғанда 11 пайызға артқан. Бұл туралы Индустрия және жаңа технологиялар министрлігінің алғашқы алқа мәжілісінде мәлім болды. Сондай-ақ көп ұзамай Қарағанды облысында жеңіл көлік құрастыратын жаңа зауыттың құрылысы басталмақ.

Берік Қамалиев - ҚР индустрия және жаңа технологиялар вице-министрі

«Таяу арада біздің партнерлар келеді. Қазіргі уақытта «Сарыарқа» автопром» деген предприятие ашылған. Сосын кеден одағының келісімі бойынша олар «свободный склад» режимі бойынша жұмыс жасайды».

Алайда қандай маркалы көліктер шығаралатыны әзірге белгісіз. Вице-министр Берік Қамалиевтің айтуынша, Жапон автомобильдері құрастырылуы мүмкін. Себебі, аталмыш елдің өнімдері Қазақстанда үлкен сұранысқа ие. Жаңа кәсіпорын жылына 50 мың көлік шығаруды жоспарлап отыр.

Астана