«Миланның» жанкүйерлері команданың кезекті жаттығуына тікұшақпен арнайы ұшып келген клубтың қожайыны және Италияның премьер-министрі Сильвио Берлускониді суық қарсы алды. Осылайша фанаттар команданың ойыншыларды сату-сатып алу саясатына наразылығын білдірді. Ал Берлускони өз кезегінде соңғы 25 жылда клубқа 1 миллиард еуро ақша құйғанын айтады. Осы күндері «россонери» жаңа бапкер Массимилиано Аллегридің жетекшілігімен жаңа маусымға дайындығын бастап кетті. Жазда команда құрамын бірқатар футболшылар толықтырды. Қақпашы Марко Амелия, Грекия құрамасының қорғаушысы Сократис Папастатопулос және колумбиялық қорғаушы Марио Йепес «Миланның» намысын қорғайды. Роналдиньо, Хюнтелар және Дженнаро Гаттузолар да осы командада қала бермек.
Италия
